Tarazda Tuńǵysh Prezıdent kúnine oraı «Zhambyl Invest» front-keńsesi ashyldy

TARAZ. QazAqparat – QR Tuńǵysh Prezıdenti kúnine oraı Jambyl oblysynyń ortalyǵy - Taraz qalasynda ınvestorlarmen «bir tereze» qaǵıdaty boıynsha jumys isteıtin aımaqtyq Zhambyl Invest front-keńsesi ashyldy, dep habarlaıdy QazAqparat tilshisi.

Atalǵan front-ofıs QR Úkimetiniń «Investorlar úshin «bir terezeni» uıymdastyrý qaǵıdalaryn, sondaı-aq ınvestıtsııalar tartý kezinde ózara is-qımyl jasaý tártibin bekitý týraly» Qaýlysyna sáıkes óńirde ınvestorlarǵa qyzmet kórsetý boıynsha ashylyp otyr.

Aımaqtyq front-keńse «Jambyl oblysynyń ınvestorlarǵa qyzmet kórsetý, jobalyq basqarý jáne tsıfrlandyrý ortalyǵy» mekemesi bazasynda, «Taraz» áleýmetttik kásipkerlik koorporatsııasynyń ǵımaratynda ornalasqan.

Nysannyń ashylý saltanatyna ınvestorlarmen jumys isteýge tartylǵan salalyq basqarmalardyń, uıymdardyń basshylary jáne oblys aýmaǵynda ınvestıtsııalyq jobalardy iske asyratyn ınvestorlar qatysty. Onda oblys ákiminiń orynbasary Nurjan Kalenderov sóz alyp, ofıstiń mańyzy men atqaratyn mindetine toqtalyp ótti.

«Front-keńse alańynda ınvestorlarmen jumys isteýge qatysatyn keleci ákimdik qurylymdary men uıymdardyń qyzmetkerleri ornalasatyn bolady. Front-ofıs qyzmetkerlerin úılestirý úshin oblys ákiminiń reglamenti ázirlenip, bekitildi. Onda «Bir tereze» qaǵıdaty boıynsha ınvestorlardy qoldaý jáne ınvestıtsııalardy tartý boıynsha óńirlik ofıs qatysýshylarynyń ózara is-qımyly belgilengen»,-dedi N.Kalenderov.

Budan soń nysannyń lentasy qıylyp, baspasóz-konferentsııasy uıymdastyryldy.