Tarazda túngi reıd barysynda 43 jasóspirim polıtsııa bólimine jetkizildi
TARAZ. QazAqparat - Tarazda kámeletke tolmaǵan jasóspirimderge qatysty keshki-túngi reıd sharasy barysynda 43 jasóspirim polıtsııa bólimine jetkizildi, dep habarlaıdy QazAqparat.
Taraz qalasynda 1-5 maýsym aralyǵynda "quqyqtyq tártip" jedel-aldyn alý sharasy ótti. Shara barysynda kámeletke tolmaǵandardyń arasynda qylmys pen quqyq buzýshylyqtyń aldyn alý, zańdy tulǵanyń erip júrýinsiz jasóspirimderdiń kóshede jáne túngi ýaqytta oıyn-saýyq ortalyqtarynda bolýyn baqylaý maqsattarynda keshki-túngi reıdter júrgizildi.
«Jergilikti polıtsııa qyzmetiniń ıývenaldyq polıtsııa qyzmetkerleri túngi ýaqytta jumys isteıtin oıyn-saýyq oryndary, ınternet-kafeler, meıramhanalar, barlar, oıyn klýbtaryna teskerister júrgizdi. QR ÁQBtK-niń 442-babynyń 2-bóligi boıynsha túngi ýaqytta oıyn-saýyq mekemelerinde zańdy tulǵanyń erip júrýinsiz kóńil kóterip júrgen 43 jasóspirim anyqtalyp, Taraz qalasynyń polıtsııa bólimine jetkizildi», - delingen oblystyq polıtsııa departamenti baspasóz qyzmetiniń habarlamasynda. Sondaı-aq, keshki-túngi reıd barysynda kámeletke tolmaǵandarǵa alkogol ónimderin ótkizbeý jónindegi QR talaptaryn buzǵan eki oıyn klýby men eki jeke kásipker-dúken ıeleri anyqtalyp, jaýapqa tartylǵan.
