Tarazda «Túngi qaladaǵy balalar» jedel aldyn alý sharasy ótti
TARAZ. QazAqparat – Tarazda «Túngi qaladaǵy balalar» jedel aldyn alý sharasy nátıjeli ótti, dep habarlaıdy QazAqparat tilshisi.
Atalmysh sharany «Múldem tózbeýshilik» Respýblıkalyq jedel-aldyn alý aktsııasy aıasynda Taraz qalalyq polıtsııa basqarmasynyń jergilikti polıtsııa qyzmetiniń ıývenaldy polıtsııa bólimshesi ótkizdi. Ol kámeletke tolmaǵandar arasyndaǵy qylmys pen quqyq buzýshylyqtardyń aldyn alýǵa baǵyttaldy.
«Jastar men jasóspirimder shoǵyrlanǵan jerlerde Taraz qalalyq prokýratýrasymen, bilim basqarmasymen jáne »Jastar saıasaty« QB birlesip jeti reıd uıymdastyrdy. Nátıjesinde tún mezgilinde spırttik ishimdik ishken, qańǵybastyq pen qaıyrshylyqpen aınalysqan, túngi ýaqytta qadaǵalaýsyz júrgen kámeletke tolmaǵan jasóspirimder belgili boldy. Іs-shara barysynda 73 ákimshilik quqyq buzýshylyq anyqtalyp, 59 hattama toltyryldy»,- delingen oblystyq polıtsııa departamenti baspasóz qyzmetiniń habarlamasynda.
Aktsııa aıasynda ıývenaldy polıtsııa qyzmetkerleri oblys ortalyǵynyń tórt kolledjinde quqyqtyq saýattylyqty arttyrýǵa baǵyttalǵan dárister men áńgimelesýler ótkizdi. Aldyn alý jumystary jalǵasýda.
