Tarazda túlekter kortejinde júrgen úsh kóliktiń júrgizýshisi jazalandy
TARAZ. QazAqparat - Tarazda túlekter kortejin uıymdastyrǵandarǵa qatysty 9 ákimshilik hattama toltyryldy, dep habarlaıdy Polisia.kz.
Jol polıtseıleri 1 maýsymnan beri reıd ótkizip jatyr. Sonyń barysynda túlekter kortejine qatysqan 3 júrgizýshi jaýapqa tartyldy.
«VAZ 21144» markaly kóliktiń júrgizýshisi Ákimshilik quqyq buzý kodeksiniń úsh baby boıynsha jaýap beredi. Sol sııaqty «Mersedes Gelendvagen» kóliginiń tizginin ustaǵan qala turǵynyna qatysty osy kodekstiń tórt baby boıynsha hattama toltyrylǵan. Al «Mersedes Kabrıolet» kóliginiń ıesi atalmysh kodekstiń eki babyn buzǵan.
Jambyl oblysynyń departamenti jol qozǵalysy erejelerin qatań saqtaý kerektigin eske salady. Polıtseılerdiń aıtýynsha, ómirdegi mańyzdy oqıǵalardy toılaý zań buzýǵa sebep bolmaýy kerek.
