Tarazda tórt páterdi tonaǵan kúdikti kamera kómegimen ustaldy
TARAZ. QazAqparat – Taraz qalasynda bir aptada tórt páter tonaǵan 25 jastaǵy kúdikti ustaldy, dep habarlaıdy QazAqparat tilshisi.
Jambyl oblysy polıtsııa departamenti málimetinshe, 6-13 qarasha aralyǵynda Taraz qalasyndaǵy shaǵyn aýdanynyń turǵyndary polıtsııaǵa páteri tonalǵandyǵy týraly aryzdanǵan. Belgisiz bireýler páter ıesiniń joqtyǵyn paıdalanyp, kireberis esikke kilt sáıkestendirip ashypǵ teledıdar men altyn buıymdardy alyp ketken.
«Qylmystyq kodekstiń 188-baby 3-bóligi (urlyq) boıynsha sotqa deıingi tergeý júrgizilip jatyr. Jedel-izdestirý sharasyn júrgizý kezinde polıtsııa atalǵan qylmystardy jasady degen kúdikpen Taraz qalasynyń 25 jastaǵy turǵynyn ustady. Kúdiktiden urlanǵan teledıdarlar, altyn buıymdar men qulyptyń kiltteri tárkilendi», - delingen habarlamada.
Aıta keteıik, kúdikti páter kireberisine qoıylǵan beınekameraǵa túsip qalǵan. Búginde óz kinásin tolyq moıyndaǵan kúdikti Taraz qalasynyń ýaqytsha ustaý ızolıatoryna qamaldy.
