Tarazda tolassyz jaýǵan jańbyr saldarynan 5 úı sý astynda qaldy
TARAZ. QazAqparat - Eki táýlikten beri tolassyz jaýǵan jańbyr saldarynan Taraz ben qala mańyndaǵy jeke úılerdi sý basqan, dep habarlaıdy «QazAqparat» HAA tilshisi.
«Ótken táýlikte Jambyl oblystyq TJD jedel-qutqarý jasaǵy turǵyndarǵa kómek kórsetýge bardy, - delingen óńirdiń TJ departamentiniń habarlamasynda. - Tarazda tolassyz nóser saldarynan tórt úıdiń aýmaǵyn sý aldy. «Órt sóndirý qyzmeti jáne apattyq-qutqarý jumystary» MM kúshterimen (bes adam, eki motosorǵy) sý aıdalyp jatyr».
Jambyl oblystyq TJD aldaǵy úsh táýlikte túnde aýa temperatýrasy 1-6 gradýsqa deıin tómendeıtinin eskertýde. Meteorologııanyń derekteri boıynsha, qazan aıynyń basynda Jambyl óńirinde kúnniń kúrt sýytýy kezdespeıdi.
