Tarazda toǵyzynshy synyp oqýshysynyń ólimi boıynsha sotqa deıingi tergeý bastaldy
TARAZ. QazAqparat – Tarazda polıtsııa qyzmetkerleri jumbaq jaǵdaıda kóz jumǵan toǵyzynshy synyp oqýshysynyń óliminiń mán-jaıyn anyqtaýda. Bul fakt boıynsha sotqa deıingi bastaldy, dep habarlaıdy QazAqparat tilshisi.
«2022 jyldyń 12 qazanynda Taraz qalasy polıtsııa basqarmasynyń kezekshi bólimine 55 jastaǵy áıel qońyraý shalyp, saǵat 00:20-da oblys ortalyǵyndaǵy garajdardyń birinen 2008 jyly týǵan uly asylǵan kúıinde tabylǵanyn habarlady. Oqıǵa ornynda máıitti tekserý barysynda polıtsııa qyzmetkerleri zorlyq-zombylyq izderin anyqtaǵan joq. Máıit Jambyl oblystyq máıithanasyna jetkizildi», - dep túsinikteme berdi Jambyl oblysy polıtsııa departamentiniń baspasóz qyzmetinen.
Sot-medıtsınalyq saraptama taǵaıyndaldy. Osy fakti boıynsha QR Qylmystyq kodeksiniń 105-baby 3-bóligi boıynsha «Ózin-ózi óltirýge deıin jetkizý» boıynsha sotqa deıingi tergeý bastaldy.
