Tarazda testileýden keıin «Sergek» kameralary iske qosyldy

TARAZ. QazAqparat - Jambyl oblysynyń polıtsııa departamenti 16 qańtardan bastap oblys ortalyǵynda «Sergek» jol qaýipsizdigi júıesin iske qosty, dep habarlaıdy QazAqparat.

48 apparattyq-baǵdarlamalyq keshen (35 - jelilik ýchaskede jáne 13 - qıylystarda) qalanyń jol qaýipsizdigin qamtamasyz etedi.

Júıe jyldamdyq rejıminen asyp ketý, baǵdarshamnyń tyıym salý sıgnalyna ótý, jol belgilerin saqtamaý (aıaldama syzyǵyna soǵylý, qıylystyń aldynda durys oryn aýystyrmaý, tyıym salynǵan jerde toqtaý) sııaqty jol erejesin buzý faktilerin tirkeıdi.

Tirkeý avtomatty rejımde júrgiziledi jáne polıtsııa qyzmetkeri teksergennen keıin quqyq buzýshyǵa jiberiledi.

Tirkelgen búkil faktiler Bas prokýratýranyń quqyqtyq statıstıka jáne arnaıy esepke alý komıtetiniń biryńǵaı tizilimine avtomatty túrde tirkeledi.

Hattamany elektrondy tsıfrlyq qoltańbanyń kómegimen erap-public.kgp.kz jáne egov.kz saıttarynan, sondaı-aq Kaspı bankiniń mobıldi qosymshasyndaǵy memlekettik qyzmetter bóliminen júkteýge bolady.

Apparattyq-baǵdarlamalyq keshende tirkelgen jol erejesin buzý faktisimen kelispegen jaǵdaıda Jambyl oblysynyń polıtsııa departamentine habarlasýǵa bolady.