Tarazda teris dinı aǵymdar týraly fılmniń tusaýy kesildi
«Saǵym» tolyqmetrajdy kórkem fılminiń alǵash kórsetilimin 300-den asa adam tamashalady.
Atalǵan fılmde HHІ-shi ǵasyrdyń qasiretine aınalyp bara jatqan ártúrli dinı aǵymdar men radıkaldyq uıymdardyń adamdarǵa tıgizgen zardaptary men zııany týraly jan-jaqty sýretteledi. Onda soqyr senimniń saldarynan baqytty otbasylardyń shyrqy buzylyp, shańyraǵyn ortasyna túsken kesirli kesapaty, týra joldan adasqan adamdardyń baqytsyzdyǵy beınelengen kartınalar týyndynyń ózegine aınalǵan.
«Bul kórkem fılm elimizdegi jas jetkinshek óskelen urpaqqa ómirlik sabaq bolady dep oılaımyn. Kınony tamashalap otyryp erekshe tolqydyq. Qoǵamda bolyp jatqan oqıǵalarmen betpe-bet kelgendeı kúı keshtik. Bul kınony kórgender baqyt pen baqytsyzdyqty, týra jol men burys baǵytty baǵdarlap, beıbit kúnniń baǵasyn baǵamdaı túseri sózsiz»,- dedi kınony tamashalap bolǵan soń óz áserimen bólisken mádenıettanýshy Álibek Ámzeev.
Aıta keteıik, fılm rejısseri - Eljan Jarmuhamedov. Bas rolderdi somdaǵan akterler - Rýslan Nurman, Nursultan Mahanov jáne taǵy basqalar.
«Saǵym» kórkem fılminiń tusaýkeser saltanatynda oblystyq kıno ortalyǵynyń dırektory Saılaý Lesbaev saxna tórine shyǵarmashylyq ujymdy shaqyryp, kópshilikke tanystyryp, fılmniń túsirilý barysy, mańyzy týraly áńgimeledi.
