Tarazda tennısten balalar men jasóspirimder týrnıri ótedi
ALMATY. 23 sáýir. QazAqparat /Erlik Erjanuly/ - Tarazda 25 sáýir kúni tennısten balalar men jasóspirimder arasynda birinshi dárejeli mindetti týrnırler serııasy bastalady.
Sportshylardy tirkeý rásimi men jarystyń jerebesi 22 sáýir kúni ótken bolatyn. Onda tennısshiler jas ereksheligine qaraı 1997-98 jyldary týǵandar bir topqa, 1999 jyly týǵandar men odan kishi jastaǵylar ekinshi topta synǵa túsedi. Onda olımpıadalyq jetildirilgen júıe boıynsha tennısshiler 2 jeńiliske deıin saıysady. QR Tennıs federatsııasy taratqan habarlamaǵa qaraǵanda, matchtar tie-break júıesi boıynsha 3 júıeden turady. Oǵan halyqaralyq dárejedegi tóreshi Anton Ignatchenko bastaǵan qazylar tórelik jasaıdy.
Jalpy bul baıraqty básekeden keıin munda júlde qory 10 myń AQSh dollaryn quraıtyn halyqaralyq týrnır ótedi. Mamyrdyń 2-7 kúnderi bolatyn erler arasyndaǵy bul dúbirli doda eresekterdiń jarysy bolmaq.
