Tarazda temirjol kassıri bılet satýdaǵy alaıaqtyǵy úshin jaza arqalady
ASTANA. KAZINFORM — Tarazdaǵy bılet kassıri qyzmettik jaǵdaıyn paıdalanyp alaıaqtyq jasaǵan, dep habarlaıdy Bas kólik prokýratýrasynyń baspasóz qyzmeti.
Taraz qalasynyń № 2 soty Taraz stantsııasyndaǵy bılet kassasynyń kassırin qyzmettik jaǵdaıyn paıdalana otyryp, birneshe ret alaıaqtyq jasaǵany úshin kináli dep tanydy.
Sot anyqtaǵandaı, ol jol júrý qujattaryn resimdeý kezinde tikeleı reıs ornyna marshrýtty jekelegen ýchaskelerge bólip bıletter satqan. Osylaısha, jol júrýdiń naqty quny men ózine qalǵan aqsha arasyndaǵy aıyrmashylyqty ıemdenip otyrǵan. Alaıaqtyq saldarynan úsh jolaýshyǵa materıaldyq zalal kelgen.
Іs boıynsha memlekettik aıyptaýdy kólik prokýratýrasy qoldady.
— Sot oǵan 248 430 teńge kóleminde aıyppul túrindegi jaza taǵaıyndady, sondaı-aq 3 jyl merzimge aqshalaı qarajatpen jáne materıaldyq qundylyqtarmen baılanysty laýazymdardy atqarý quqyǵynan aıyrdy. Úkim zańdy kúshine engen joq, — delingen habarlamada.
