Tarazda telefon kabelin urlap kelgen 32 jastaǵy turǵyn ustaldy
TARAZ. QazAqparat – Taraz qalasynda telefon kabelderin urlap kelgen er adam ustaldy, dep habarlaıdy QazAqparat.
Taraz qalalyq polıtsııa basqarmasy krımınaldyq polıtsııa bóliminiń qyzmetkerleri jedel-izdestirý barysynda telefon kabelderin urlaýmen aınalysqan 32 jastaǵy oblys ortalyǵynyń turǵynyn quryqtady.
Bul týraly oblystyq polıtsııa departamentiniń baspasóz qyzmeti habarlady.
«Qazirgi ýaqytta kúdiktiniń «Qazaqtelekom» AQ-na 1 mıllıon teńgeden astam shyǵyn keltirgen segiz urlyqqa qatysy bar-joǵy tekserilýde. Atalǵan faktiler boıynsha QR QK 188-baby boıynsha sotqa deıingi tergeý júrgizilýde» delingen vedomstvo habarlamasynda.
Jalpy óńirde sońǵy eki aıda urlyq qylmysyn ashý - 17,1 paıyzǵa, onyń ishinde páter urlyǵyn ashý kórsetkishi - 19 paıyzǵa ósken.
