Tarazda «Tekturmas» etno-tarıhı kesheniniń ekinshi kezeńi aıaqtaldy

TARAZ. QazAqparat - Tarıh tereńinen tamyr alatyn, Shyǵys shaıyrlary tamsana jyrlaǵan Taraz qalasy qulpyryp keledi. Kóne shahardyń jańa shyraıyn qalyptastyryp, arttyrý maqsatynda atqarylyp jatqan jumystar aýqymdy. Sol jumystardyń jemisti nátıjeleriniń biri – «Tekturmas» etno-tarıhı kesheni, dep habarlaıdy QazAqparat tilshisi.

Oblys ákimi Berdibek Saparbaev nysanǵa arnaıy baryp, jumystarmen tanysty.

Talas ózeni arqyly ótetin kópirden keshenniń keremetin kórýge keletin qonaqtar kóp. Etnografııalyq týrızmdi damytý maqsatynda salynǵan keshendegi uly Batys túrki qaǵandarynyń beınesi tereń tarıhı mazmun berip turǵany sózsiz. Alystan menmundalaǵan Áýlıeata eskertkishi de ańyzdan syr shertetin sımvolıkalyq beıne retinde kópshilik nazaryn aýdartady.

Aıtalyq, ǵajaıyp arhıtektýralyq sheshimdermen sabaqtasa otyryp, Talas ózeniniń boıyn jaǵalaı salynǵan «Kóne qamal» kelýshilerge erekshe áser syılaıdy.

«Kóne Taraz» etnomádenı kesheni, «Tekturmas» etno-tarıhı kesheniniń jumystary 2018 jyldan beri burynǵy óńir basshysy Asqar Isabekulynyń bastamasymen bastalǵan. Ol birinshi kezeń bolsa, biz sony jalǵastyra tústik. Mynaý ekinshi kezeńi. Ári qaraı úshinshi kezeń boıynsha da josparly jumystar atqarylatyn bolady. Jibek jolynyń tarıhy, tarıhı shaıqastar, óńirimizde týy tigilgen Qazaq handyǵy, táýelsizdik jyldaryndaǵy mańyzdy oqıǵalar... Osynyń bárin biz osy keshen arqyly qonaqtarǵa tanyta túspekpiz. Halyqtyń jaıaý aralaýy úshin jaǵdaı jasalady. Eń negizgisi árıne, bolashaq urpaqqa tarıhymyzdy jetkizýimiz kerek. Osyndaı keshen arqyly da biz ótkenimiz týraly olardyń sanalaryna sińire alamyz,-dedi Berdibek Saparbaev.

Jalpy, «Tekturmas» etno-tarıhı keshenind

egi «Kóne Taraz» nysanyndaǵy jaǵalaýdyń uzyndyǵy 1423 metrdi qurasa, qorshap turatyn qorǵannyń uzyndyǵy 220 metr. Nysanǵa kirgen kezdegi oń jaq qabyrǵasy jasandy tastarmen kómkerilip, kóne túrki jazýlary, petroglıfter salynǵan. Nysannyń kire berisinen jaǵalaýdyń sońyna deıin san túrli tústegi samaladaı jarqyraıtyn shamdarmen kómkerilgen 86 aralyq aǵash baspaldaq ornalasqan.

«Bizdiń negizgi maqsatymyz – Taraz qalasynyń tarıhı múmkindikterin paıdalana otyryp, týrızmdi damytý. Ol úshin Áýlıeata jerindegi tarıhı eskertkishterdi qalpyna keltirip, eń birinshiden, ózimizdiń jerlesterimizge, ekinshiden, ózge óńirlerden keletin qonaqtarǵa tanytýymyz kerek. Sondaı-aq, bıyl Táýelsizdiktiń 30 jyldyq mereıtoıy. Osyǵan oraı bizdiń óńirimizde de kóptegen jobalar júzege asýda. Mereıtoı tek asta-tók sharalarmen emes, taǵylymy mol, turǵyndardy birlikke, yntymaqqa, dostyqqa shaqyratyn ıgi istermen erekshelenýi mańyzdy. Máselen biz byltyrdan bastap, óńirimizde «Asarlatyp úı salý» jobasyn júzege asyryp jatyrmyz. Ondaǵy maqsat – eldi mekenderde turatyn jastardan bastap, aqsaqalǵa deıin ultyna qaramastan biriktirip, sol aýyldardaǵy az qamtylǵan kóp balaly otbasylarǵa asarlatyp úı salyp berý. Ótken jyly biz 99 úı saldyq. Bıyl sony ármen qaraı jalǵastyryp, eń kem degende 170-180 úıge jetkizsek deımiz»,-dedi aımaq basshysy.