Tarazda táýligine 8 myń tonna balmuzdaq shyǵaratyn tseh iske qosylady
Jambyl oblysynyń ákimi Berdibek Saparbaev tsehta bolyp, tehnologııalyq jelimen tanysty. Bas dırektor Patohberdı Talıpov tseh iske qosýǵa daıyn ekenin, ınfraqurylymdy júrgizý máselelerin sheshý qajet ekenin aıtty. Óńir basshysy oǵan jan-jaqty qoldaý kórsetiletinine sendirdi. Ol kásipkerlik jáne ındýstrıaldy-ınnovatsııalyq damytý basqarmasyna tıisti tapsyrma júktedi.
«Bıznestiń jol kartasy-2025» baǵdarlamasy boıynsha oblysymyzǵa aýqymdy qarjy bólinýde. Másele jobalardyń azdyǵynda bolyp otyr. Bıznes ıdeıalardy qoldaý úshin barlyq múmkindik bar. Tek máseleni der kezinde kótere bilý kerek», - dedi oblys ákimi.
Joba quny 800 mıllıon teńge. Qýattylyǵy táýligine 8 myń tonnaǵa shaqtalǵan. Munda balmuzdaqtyń 30 túrin shyǵarý josparlanyp otyr. Seriktestiktiń basqarýshy dırektory Rahat Áshimovtiń aıtýynsha, kásiporynda júzden astam jańa jumys orny ashylmaq. Ol jazda úzdiksiz ónim óndirýge múmkindik bar ekenin jetkizdi.
