Tarazda taǵy da úshem dúnıege keldi
TARAZ. QazAqparat - Baızaq aýdanynda 21 jastaǵy kelinshek dúnıege úsh qyz ákeldi, dep habarlaıdy «QazAqparat» HAA tilshisi.
Úshemdi júktiliktiń 33-aptasynda Aıdana Tóletaevanyń ishin jarý arqyly alýǵa týra kelgen. Sarykemer aýylynyń turǵynyna Jambyl oblystyq perınataldyq ortalyqtyń dárigerleri kómektesken. Sábıdiń úsheýiniń de jaǵdaıy jaqsy. Biriniń salmaǵy 1700, ekinshisiniki 1600 bolsa, shıraǵy 1790 gramm salmaqqa ıe. Dúnıe esigin endi ǵana ashqan sábılerge esim de tańdap qoıylǵan eken: Daıana, Raıana, Saıana.
«Úshem kútip jatqanymyzdy alǵashqy ÝDZ kezinde-aq bilgen edik. Dereý esim tabýǵa kirisip kettik. Akýsherler men dárigerlerge alǵysymyz sheksiz. Olarǵa kóp rahmet! Biz óte baqyttymyz!», - deıdi úshemderdiń anasy.
Perınataldyq ortalyqtyń bas dárigeri Aıgúl Aıtbaevanyń sózine qaraǵanda, bıyl Jambyl oblystyq perınataldyq ortalyǵynda bes myńǵa jýyq sábı dúnıege kelgen. Onyń ishinde 2 úshem jáne 109 egiz bar. Oblysta barlyǵy 18 myńnan astam bala týǵan, onyń ishinde 144-i egiz jáne 2 úshem bar.
.
