Tarazda taǵy bir úıdiń kireberisi karantınge jabyldy
TARAZ. QazAqparat – Taraz qalasyndaǵy «Asa» shaǵyn aýdanyndaǵy kóppáterli turǵyn úıdiń kireberisi karantınge jabyldy, - dep habarlaıdy QazAqparat oblys ákimdigiginiń resmı saıtyna silteme jasap.
Keshe atalǵan úıde turatyn 1975 jyly týǵan turǵynnan koronavırýs ınfektsııasy tabylǵan bolatyn. Qazir áıel ınfektsııalyq statsıonarǵa jatqyzylyp, qajetti em-dom sharalaryn alýda.
Epıdemıologııalyq tekserý barysynda naýqastyń Nur-Sultan qalasynan kelgen jaqyn týysymen baılanysta bolǵany anyqtaldy. Onymen jaqyn qarym-qatynasta bolǵan úsh adam karantınge jatqyzyldy.
Podezde jáne turǵylyqty jeri boıynsha dezınfektsııalyq óńdeýler júrgizildi. Atalǵan podezdiń páterlerinde turatyn 31 turǵyn 14 kúnge oqshaýlandy. Olarǵa óz páterinen shyǵýǵa tyıym salyndy.
Sondaı-aq, ondaǵy jumys isteıtin úsh turǵynǵa ýaqytsha eńbekke jaramsyzdyq týraly anyqtama berildi. Olarmen ózin-ózi oqshaýlaýdyń mańyzy týraly túsindirý jumystary júrgizildi. Podezd mańynda polıtsııa qyzmetkerleri kezekshilik etýde.
Taraz qalasynyń ákimdigi atalǵan úıdiń karantındegi turǵyndaryn qajetti azyq-túlik ónimderimen qamtamasyz etip otyr.
