Tarazda taǵy bir kópqabatty turǵyn úıdiń kireberisi karantınge jabyldy
TARAZ. QazAqparat – Taraz qalasynda «Alataý» 8-shi yqshamaýdandaǵy kóp qabatty turǵyn úıdiń kireberisi karantınge jabyldy, - dep habarlaıdy QazAqparat Taraz qalasy ákimdigine silteme jasap.
Buǵan deıin osy turǵyn úı podeziniń turǵyny – 50 jastaǵy áıeldiń koronavırýs ınfektsııasyn juqtyrǵany anyqtalǵan bolatyn. Іndetke qalaı shaldyqqany ázirge belgisiz. Sol sebepti onda turatyn 34 adamdy birneshe kúnge oqshaýlaý týraly sheshim qabyldandy. Olardyń úıden shyǵýyna esh ruqsat joq.
Karantındegi turǵyn úı turǵyndaryn qajetti azyq-túlikpen qamtamasyz etýdi qalalyq ákimdik moınyna alyp otyr. Zararsyzdandyrý jumystary júrgizilgen podezdiń aldynda polıtsııa qyzmetkerleri kezekshilik etýde.
Esterińizge sala keteıik, buǵan deıin qaladaǵy «Qarasý», «Asa» shaǵyn aýdandaryndaǵy eki kireberis pen Qordaı aýdanyndaǵy Áljan Ana aýyly karantınge jabylǵan edi.
Turǵyndarǵa azyq-túlik jetkizý jumystaryna eriktiler de kómektesip jatyr.
