Tarazda sýdıa eki mıllıon teńge para alǵany úshin ustaldy

TARAZ. QazAqparat - Antıkorrýptsııalyq qyzmet Sot ákimshiliginiń qaýipsizdik bólimimen birlesip, jasyryn is-sharalardyń nátıjesinde Taraz qalasy №2 soty sýdıasynyń 2 mln teńge somasynda para alǵanyn áshkereledi, dep habarlaıdy QazAqparat.

Sýdıa sottalýshydan is júrgizýde qylmystyq is boıynsha bas bostandyǵynan aıyrýǵa baılanysty emes jaza taǵaıyndaǵany úshin aqshalaı qarajat aldy dep kúdektelýde.

«Qylmystyq-protsestik kodekstiń 550-babynyń tártibimen Qazaqstan Respýblıkasynyń Bas prokýrory sotqa deıingi tergep-tekserýdi jalǵastyrýǵa kelisim berdi.

Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy», - dep jazdy óńirdegi Antıkor.

Aıta keteıik, buǵan deıin talapkerdi grantqa túsirip beremin dep syıaqy alǵan Taraz turǵyny ustalǵan bolatyn.