Tarazda stýdentterden para alǵan JOO oqytýshysy ustaldy
20 qańtarda Jambyl oblysy polıtsııa departamentiniń uıymdasqan qylmysqa qarsy kúres basqarmasynyń qyzmetkerleri arnaıy jedel-izdestirý sharalary barysynda qaladaǵy joǵary oqý orynynyń birinen 46 jastaǵy oqytýshyny qyzmettik kabınetinde stýdentten 200 myń teńge kóleminde qarjy alý kezinde ustady.
Polıtsııa aǵa oqytýshynyń buǵan deıin 4-kýrs stýdentterinen úsh aılyq tájirıbelik sabaqtardan jáne emtıhannan ótkizip beremin dep árqaısysynan 50 myń teńge kóleminde aqsha talap etkendigin anyqtady.
Ustalǵan er adam kinásin tolyq moıyndady. Oǵan qatysty qolhatpen bosatý týraly bultartpaý sharasy qoldanyldy.
Atalǵan derekke qatysty QR QK-niń 190-baby 3-bóligi 3-tarmaǵymen (Eki nemese odan da kóp adamǵa qatysty jasalǵan alaıaqtyq) sotqa deıingi tergeý amaldary bastaldy. Bapqa sáıkes, osyndaı qylmys jasaǵany úshin múlki tárkilenip, úsh jyldan jeti jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrý, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyra otyryp, jymqyrylǵan múliktiń on eselengennen jıyrma eselengenge deıingi mólsherinde aıyppul salý, ne úsh jyldan jeti jylǵa deıingi merzimge bas bostandyǵynan aıyrý jazasy kózdelgen.
