Tarazda sottalýshy probatsııa ınspektoryna para usynǵan
Taraz qalalyq №3 probatsııa qyzmetiniń ınspektory Rınat Akyshevqa 15 myń teńge kóleminde para usynǵan azamat qolǵa tústi. Bul týraly Jambyl oblysy boıynsha QAJ departamentiniń baspasóz qyzmeti habarlady.
QR QK 296, 297 jáne 191 babymen kináli dep tanylyp, 6 jyl merzimge bas bostandyǵyna shekteý jazasy taǵaıyndalǵan 41 jastaǵy azamat probatsııa qyzmetkerinen tártiptik jaýapkershilikke tartpaýyn surap, para bermek bolǵan.
«Zańdy buzǵan azamat probatsııa qyzmetkerine 7000 teńge kóleminde para berý kezinde quryqtaldy. Aldyn ala tergeý barysynda ol óz kinásin tolyqtaı moıyndady. Qazirgi tańda oǵan qatysty bultartpaý sharasyn tańdaý jáne qylmystyq isti QІB tártibinde aıaqtaý týraly másele sheshilýde. Aıta keteıik, aldaǵy ýaqytta bul baǵytta jumystar óz jalǵasyn tabady» delingen habarlamada.
Eske sala keteıik, Jambylda biraz ýaqyt buryn probatsııa qyzmetkerine 5 myń teńge kóleminde para usynǵan azamat quryqtalǵan edi.