Tarazda sot jasóspirimder úshin tergeý ızolıatoryna ekskýrsııa uıymdastyrdy
TARAZ. QazAqparat - ıÝvenaldy sot qyzmetkerleri jasóspirimder úshin Tarazdyń tergeý ızolıatoryna ekskýrsııa uıymdastyrdy, dep habarlaıdy QazAqparat tilshisi.
«ıÝvenaldy sot ujymy buryn qylmystyq jaýapkershilikke tartylǵan kámeletke tolmaǵandar úshin tergeý ızolıatoryna ekskýrsııa uıymdastyrdy. Balalardy zańdy ókilder alyp bardy. Olar sottalýshylar jazalaryn óteıtin jerdi kóre aldy», - dedi Jambyl oblysy boıynsha kámeletke tolmaǵandardyń isteri jónindegi mamandandyrylǵan aýdanaralyq sottyń baspasóz qyzmetindegiler.
Uıymdastyrýshylardyń aıtýynsha, atalmysh ekskýrsııany ótkizýdegi maqsat - kámeletke tolmaǵandardyń arasynda quqyqbuzýshylyqtyń aldyn alý, jasóspirimderdiń quqyqtyq sanasyn qalyptastyrý jáne olarǵa qoǵamda durys tártip saqtamaý saldarynyń qandaı bolatynyn kórsetý.
«Shara sońynda jasóspirimder men olardyń ókilderi sot jáne tergeý ızolıatorynyń qyzmetkerlerine alǵystaryn bildirdi», - dep atap ótti Jambyl oblysy boıynsha kámeletke tolmaǵandardyń isteri jónindegi mamandandyrylǵan aýdanaralyq sottyń baspasóz qyzmetinde.
