Tarazda Sherhan Murtaza turǵan úıge eskertkish-taqta ornatyldy
TARAZ. QazAqparat – Tarazda Qazaqstannyń halyq jazýshysy, Memlekettik syılyqtyń laýreaty Sherhan Murtaza turǵan úıge eskertkish-taqta ornatyldy, dep habarlaıdy QazAqparat tilshisi.
Jazýshynyń dúnıe esigin ashqan kúni qarsańynda Taraz qalasyndaǵy «Astana» shaǵyn aýdanyndaǵy ózi turǵan 7-úıge eskertkish taqta ornatyldy. Qalamger bul úıde 2009-2013 jyldary turǵan. Atalǵan belginiń ornatylýyna Jambyl oblystyq mádenıet, arhıvter jáne qujattama basqarmasyna qarasty Sherhan Murtaza atyndaǵy rýhanııat jáne tarıhtaný ortalyǵy uıytqy boldy.
Sharada oblys ákiminiń orynbasary Erjan Jylqybaev sóz sóılep, Sherhan Murtazanyń qazaq ádebıetinde ózindik oryny bar tulǵa ekenin, ult qaıratkerine arnalyp eskertkish-taqtanyń ashylýy urpaq úshin ulaǵatty is ekenin basa aıtty.
Budan keıin saltanatty túrde oblystyq ardagerler keńesiniń tóraǵasy Erkinbek Soltybaev, Taraz qalalyq máslıhatynyń hatshysy Batyrbek Qulekeev, jazýshynyń nemere inisi Álıjan Murtazanyń qatysýymen eskertkish-taqtanyń lentasy qıyldy. Olar sóz alyp, áıgili qalamger týraly oramdy olırany ortaǵa saldy.
Eske salsaq, búgin – Muhtar Áýezov, Sherhan Murtaza jáne Oralhan Bókeıdiń týǵan kúni.
