Tarazda saýyqtyrý keshenderinen jezókshe prıtondary anyqtaldy
TARAZ. QazAqparat – Jambyldyq polıtseıler «Stop-Trafık» profılaktıkalyq is-sharasyn ótkizý kezinde jezókshelikpen aınalysqan úsh prıtondy anyqtady,- dep habarlaıdy QazAqparat tilshisi.
Jambyl oblysynda «Stop-Trafık» respýblıkalyq jedel-aldyn alý is-sharasyn ótkizý barysynda polıtseıler jezókshelikpen aınalysatyn úsh prıtondy anyqtady.
Atap aıtsaq, Taraz qalasynyń Tóle bı kóshesindegi saýyqtyrý kesheninde polıtseıler jezókshelikpen aınalysatyn prıtondy uıymdastyrýmen jáne ustaýmen aınalysqan 46 jastaǵy áıel adamdy ustady. Bóltirik-Sheshen kóshesindegi taǵy bir saýyqtyrý kesheninde osyǵan uqsas qylmysy úshin Taraz qalasynyń 42 jastaǵy turǵyny ustaldy. Bul týraly blystyq polıtsııa departamentiniń baspasóz qyzmeti habarlady.
«Atalǵan derekter boıynsha QR QK-niń 309-baby 1-bóligi (Jezókshelikpen aınalysýǵa arnalǵan prıtondy uıymdastyrý nemese ustaý jáne jeńgetaılyq) boıynsha sotqa deıingi tergep-tekserý amaldary bastaldy. Ustalǵandar kinásin moıyndady. Sondaı-aq, 45 adam QR ÁQBtK-niń 449-baby 1-bóligi (Qoǵamdyq oryndarda tıisý) boıynsha ákimshilik jaýapkershilikke tartyldy, QR ÁQBtK-niń 450-baby 1-bóligi boıynsha úsh ákimshilik quqyq buzýshylyq anyqtaldy (Kórineý jezókshelikpen aınalysý nemese jeńgetaılyq úshin úı-jaılar berý)»-delingen vedomstvo habarlamasynda.
Shara barysynda, «jeńgetaılyq» sanaty boıynsha úsh adam jáne jezókshelikpen aınalysqany úshin tórt áıel esepke alynǵan.
