Tarazda saýda úıindegi adamdar men qyzmetkerler evakýatsııalandy
«Keshki saǵat 21:00-de saýda ortalyǵy jarylady» degen mazmundaǵy habarlama saýda ortalyǵynyń elektrondyq poshtasyna kelgen.
Shaqyrtý ornyna jedel túrde Polıtsııa departamentiniń jeke quramy, arnaıy saperleri men kınolog mamandary, Tótenshe jaǵdaı jáne jedel járdem qyzmeti jumyldyryldy.
«Mart» saýda ortalyǵyndaǵy qyzmetkerler men turǵyndar tolyǵymen evakýatsııalanyp, qaýipsiz jerge kóshirildi.
Qazirgi ýaqytta tekserý jumystary júrgizilip jatyr.
Aıta keteıik, buǵan deıin Tarazda jalǵan nómirmen júrgen kólik júrgizýshisi ustalǵanyn habarlaǵan bolatynbyz.
Taraz qalasy patrýldik polıtsııa batalony qyzmetkerleri jol erejesin buzǵan «Toyota camry» markaly avtokóligin toqtatady. Tekserý barysynda avtokólikte turǵan memlekettik nómirdiń jalǵan ekendigi anyqtalǵan.
Júrgizýshiniń aıtýynsha, ol óziniń kóligine tıesili nómirdi sheship, jalǵan nómirdi beınebaqylaý kameralaryna túspes úshin taǵyp alǵan.