Tarazda saýda úıin bireý qasaqana órtegen bolýy múmkin
TARAZ. QazAqparat - Búgin túnde Taraz saýda úıinde 18 dúńgirshek janyp ketti, dep habarlady «QazAqparat» HAA tilshisi.
«Saǵat 4.27-de ortalyq dıspetcherlikke Tarazdyń 7, 9-shy shaǵyn aýdanynda ornalasqan «Myńbulaq» shaǵyn saýda ortalyǵy tútindegeni týraly habarlama tústi, - dep habarlady oblystyń TJD basshysynyń orynbasary Talǵat Sabyrov. - Saǵat 4.28-de oqıǵa ornyna órt sóndirý tehnıkasy men TJD jeke quramy keldi. Kórshi dúńgirshekterge taıaý ornalasqan 5 qabatty turǵyn úıge jalynnyń taralý qaýpi eskerilip, qosymsha kúsh shaqyryldy. Órtti aýyzdyqtaý úshin 12 baǵan paıdalanyldy».
Tutastaı órtti sóndirýge jeke quramnan 76 adam, 18 birlik tehnıka, sondaı-aq JEJ avarııalyq kúshteri, jedel járdem qyzmeti jumyldyryldy. Aýmaqty ІІD jergilikti polıtsııa qyzmetiniń qyzmetkerleri qorshady.
«Tilsiz jaý 5.27-de oqshaýlanyp, 6.10-da sóndirildi. Materıaldyq shyǵyn anyqtalýda. 18 dúńgirshek, plastık terezeler, halyq tutynatyn taýarlar, aralyqtar janyp ketti. Jalyn 450 sharshy metrdi sharpydy. Joǵary júkteme, dúńgirshekterdiń tez janatyn qurylys materıaldarynan salynýy órttiń jyldam jaıylýyna yqpal etti», - dedi Sabyrov.
Oblystyń ІІD tergeýshileri bireý qasaqana órtegen degen aldyn ala nusqany belgiledi. Beınebaqylaý kamerasyndaǵy jazbaǵa eki belgisiz adam terezeni syndyryp, jyldam tutanatyn qospamen bótelke laqtyrǵany túsip qalǵan.
