Tarazda saýda ortalyǵynan kúrteshe urlaǵan eki qyz ustaldy
TARAZ. QazAqparat – Tarazda eki boıjetken oıyn-saýyq saýda ortalyǵynan kúrteshe urlaǵan, - dep habarlaıdy QazAqparat tilshisi.
Taraz qalasynyń PB 1-polıtsııa bólimine Tóle bı kóshesinde ornalasqan «Mart» oıyn-saýyq saýda ortalyǵyndaǵy býtıkten eki qyz quny 39 250 teńge turatyn áıelder kúrteshesin jasyryn urlap ketkeni týraly aryz kelip tústi.
«Taraz qalalyq PB 1-PB krımınaldyq polıtsııa bólimshesiniń qyzmetkerleri osy býtıktiń beınebaqylaý kamerasynan qylmystyń izin sýytpaı, eki qyzdy ustady. Olar buryn sotty bolǵan 22 jáne 23 jastaǵy qala turǵyndary bolyp shyqty, kúdiktiler óz kinásin tolyq moıyndady. Urlanǵan kúrteshe ıesine qaıtaryldy»,-delingen olystyq polııa departamentiniń baspasóz qyzmeti.
Atalǵan derekke qatysty QR Qylmystyq kodekstiń 188-baby 2-bóligi (Urlyq) boıynsha sotqa deıingi tergeý amaldary bastalyp, kúdiktilerge qatysty tergeý sharalary júrgizilýde.
