Tarazda sahnanyń qulaýy kezinde adamdardy qutqaryp qalǵan áskerı qyzmetshiler marapattaldy
TARAZ. QazAqparat - Búgin «Ulttyq gvardııa úzdigi» tósbelgisin erlik jáne batyrlyq tanytqan jambyldyq áskerı qyzmetshilerge tabystady, dep habarlaıdy «QazAqparat» HAA tilshisi Jambyl oblystyq ІІD baspasóz qyzmetine silteme jasap.
Eske sala keteıik, 16 jeltoqsan kúni Tarazdyń ortalyq alańynda sahna ázirleý kezinde 30 m/s jyldamdyqtaǵy jeldiń saldarynan táýelsizdik merekesin toılaýǵa arnalǵan sahnanyń bastyrmasy opyrylyp tústi. QR Ulttyq gvardııasynyń 5513 áskerı bóliminiń qatardaǵy jedel qyzmetshileri tez arada kómek kórsetip, ushyp bara jatqan qalqandy denelerimen bógep, adamdardyń ómirin saqtap qaldy. Ortalyq alańdaǵy medetsınalyq kómek kórsetý mashınalary №1 qalalyq aýrýhanasyna zardap shekken sarbazdy jetkizdi. Túrli deńgeıdegi bas jaraqatyn alǵan eki áskerı - ıÝrıı Dylıýk pen Aman Ajenov jansaqtaý bólimine tústi. Eki zardap shegýshi - ıÝrıı Bajen men Dıas Amangeldige ambýlatorlyq em qabyldaý jazyldy.
«General-leıtenant R. Jaqsylyqovtyń buıryǵymen qoǵamdyq tártipti jáne qaýipsizdikti saqtaý barysynda erlik, batyldyq jáne erjúrektik tanytqany úshin 5513 á/b qatardaǵy Ajenov Aman men Dylıýk ıÝrıı ІІ dárejeli «Ulttyq gvardııa úzdigi» tósbelgisimen marapattaldy», - dep habarlaıdy Jambyl oblysy ІІD baspasóz qyzmeti. - Podpolkovnık B.Narbaev jambastaǵan áskerı bólim basshylyǵy №1 qalalyq aýrýhanasyna baryp, sarbazdarǵa áskerı mindetine adaldyqtary úshin alǵys aıtyp, myqty densaýlyq, jumystaryna tabys tilep, nagradalaryn tabystady. Barlyq áskerı qyzmetshiler jazylyp keledi».
