Tarazda reıd barysynda 20 jezókshe anyqtaldy
TARAZ. QazAqparat – Jambyl oblysynyń Polıtsııa departamenti Krımınaldyq polıtsııa basqarmasy men Taraz qalasynyń Polıtsııa basqarmasy jergilikti polıtsııa qyzmetiniń ókilderi adam saýdasy derekterin anyqtaý, boldyrmaý jáne aldyn alýǵa baǵyttalǵan profılaktıkalyq is-sharalar ótkizdi, dep habarlaıdy QazAqparat tilshisi.
Reıd barysynda túngi ýaqytta oblys ortalyǵynyń kósheleri, saýyqtyrý ortalyqtary, qonaq úıler, sondaı-aq oıyn-saýyq oryndary tekserildi, dep málimdedi oblystyq polıtsııa departamenti baspasóz qyzmeti.
«Іs-shara nátıjesinde Taraz qalasynyń kóshelerinde jáne saýyqtyrý ortalyqtarynda jezókshelikpen aınalysqan 20 azamatsha anyqtaldy. Olardyń barlyǵy daktıloskopııalyq saraptamadan ótkizilip, esepke alyndy. Sonymen qatar, qyzdarmen profılaktıkalyq baǵytta áńgime júrgizildi»,-delingen vedomstva habarlamasynda.
