Tarazda prezıdenttik shyrshada balalar EKSPO-2017 kórmesine saıahattady
TARAZ. QazAqparat - Jambyl oblysynda Qazaqstan Respýbıkasy Prezıdentiniń atynan jańa jyldyq shyrsha ótti, dep habarlady oblys ákiminiń baspasóz qyzmetine silteme jasap «QazAqparat» HAA.
Oǵan az qamtylǵan, kóp balaly, tolyq emes otbasylardan 200 bala jáne balalar úıinde tárbıelenip jatqandar men mektep-ınternattardaǵy balalar qatysty.
Taraz qalasy «Qoǵamdyq kelisim» kesheninde úzdik balalar ujymynyń qatysýymen jańa jyldyq teatrlandyrylǵan qoıylym kórsetildi. Olar QR Prezıdenti Nursultan Nazarbaevtyń quttyqtaýyn tyńdady. Ár balaǵa Memleket basshysynyń atynan quttyqtaý hat pen syılyq tabys etildi.
Aıaz Ata, Aqshaqarmen birge balalar jańa jyldyq shyrshany jaqty. Shyrshany dástúrli án aıtyp aınalyp, olar ertegi keıipkerlerimen EKSPO 2017 kórmesin aralady. Sharaǵa 9-13 jas aralyǵyndaǵy 13 ulttyń balalary qatysty.
Balalardy óńir ákimi Kárim Kókirekbaev quttyqtady. Prezıdenttik shyrshaǵa qatysýshylarǵa tarıhı -ólketaný murajaıyna, «Ejelgi taraz» keshenine, «Taraz-Arena» sport saraıyna ekskýrssııa uıymdastyryldy. Balalar drama teatrda ótken jańa jyldyq teatrlandyrylǵan qoıylymdy tamashalady.
