Tarazda polıtsııa joǵalǵan 3 balany tapty
TARAZ. QazAqparat – Tarazdyq polıtsııa qyzmetkerleri úılerinen óz erkimen shyǵyp, joǵalyp ketken 3, 5 jáne 12 jastaǵy úsh balany tapty, dep habarlaıdy QazAqparat tilshisi.
Bıylǵy jyldyń 8 sáýirinde polıtsııaǵa oblys ortalyǵynyń 2 turǵyny shaǵymdanǵan. Áıelder 5 jáne 3 jastaǵy uldarynyń úıden shyǵyp ketip, oralmaǵany týraly habarlaǵan. Joǵalǵan balalar bir-birimen kórshi turǵan.
Іzdestirý nátıjesinde balalardyń ornalasqan jeri anyqtaldy, olar aman-esen, ómirlerine eshqandaı qaýip tónbegen. Balalar ártúrli ýaqytta jáne qalanyń ár jerinen tabylǵan.
Aldyn-ala berilgen saýalnamaǵa sáıkes, 5 jasar bala ajyrasyp ketken ákesiniń týystaryna barmaq bolǵan, al bul týraly anasyna eskertpegen. Al, 3 jasar bala serýennen keıin úıine oralǵanda, esiktiń qulyptaýly ekenin kórgen. Kire almaı turǵan balany baıqaǵan kórshisi ony ata-anasy kelgenge deıin úıine panalatqan jáne anasy balasyn tappaı, polıtsııaǵa habarlasady dep kúdiktenbegen.
Úshinshi oqıǵa bıylǵy 11 sáýirde kelip túsken, ata-ana turmystyq máselelerge qatysty 12 jastaǵy ulymen janjaldasyp qalǵanyn, sodan keıin ol úıden shyǵyp ketip, oralmaǵanyn habarlady. Keıinirek eriktiler men polıtsııa qyzmetkerleriniń kómegimen jasóspirim aman-esen Taraz qalasynyń saıabaǵynan tabylǵan.
