Tarazda polıtsııa qyzmetkerleri jol apatyna tústi
TARAZ. QazAqparat - Tarazda polıtsııa qyzmetkerleri jol apatyna tústi, dep habarlaıdy QazAqparat.
Belgili bolǵanyndaı, jol-kólik oqıǵasy Tóle bı men Ál-Farabı dańǵylynyń qıylysynda boldy. Oqıǵanyń saldarynan eki jol-patrýl qyzmetiniń ókilderi zardap shekti. Zardap shekkenderdiń jaǵdaı óte aýyr, olar birinshi qalalyq aýrýhananyń neırohırýrgııa bólimine jatqyzyldy.
Birinshi boljam boıynsha, polıtsııa qyzmetkerleri patrýl kóliginiń aǵashqa soǵylýynan zardap shekken. Ekinshi boljam boıynsha, traktor polıtsııa kóligine jol bermeı qoıǵan, sonyń saldarynan jol apaty bolǵan.
Jambyl oblystyq ІІD-ne jýrnalıstik saýal joldandy.
Atalǵan jol-kólik oqıǵasyn tarazdyqtar áleýmettik jelide qyzý talqylaýda.
«Polıtsııanyń boljamy boıynsha, patrýl kóligi Tóle bı kóshesine qaraı shaqyrtý alyp bara jatqan. Osy shaǵyn aýdanǵa qaraı traktor da burylyp bara jatqan jáne arnaıy kólikke jol bermegen. Sonyń saldarynan kólikter soqtyǵysyp, zardap shekkender bar. Kólikter óte qatty jyldamdyqpen kele jatqan. Eger traktor burylysqa qaraı bet alsa, polıtsııa kóligi jyldamdyqty azaıtýy qajet edi. Jol-patrýldik polıtsııasynyń kóligi senimsizdeý kele jatty jáne jol jıeginiń qaýipsizdigine de kóńil bólmedi. Jeńil kóliktiń jyldamdyǵy saǵatyna keminde 60 km boldy. Eger ol sál baıaý kele jatqanda burylyp úlgerer edi»,-dep jazady jeli qoldanýshylary.
