Tarazda polıtseı tumyldyryqsyz júrgen pıtbýl ıtine oq atýǵa májbúr boldy
8 shilde saǵat 13:50 kezinde 102 qyzmetine Taraz qalasyndaǵy dárihanaǵa qarama-qarsy bette eki belgisiz er adam spırttik ishimdik iship otyrǵany, al olardyń janynda tóbelesetin ıt tumyldyryqsyz júrgeni týraly habar tústi.
Shaqyrý ornyna kelgen polıtsııa qyzmetkerleri 1979 jáne 1986 jyly týǵan jergilikti eki turǵyndy anyqtady, olarǵa jolaı ótip bara jatqan adamdar shaǵymdanǵan.
43 jastaǵy er adam «pıtbýlterer» tuqymdy ıtin tynyshtandyrý jáne oǵan tumyldyryq kıgizý týraly polıtsııa qyzmetkeriniń talabyna jaýap bermedi.
It bosanyp shyǵyp, aınalada júrgen adamdarǵa qaýipti boldy.
Qaıǵyly oqıǵa oryn almas úshin Taraz qalasynyń polıtsııa basqarmasy patrýldik polıtsııa batalonynyń ınspektory tabeldik qarýdan oq atqan.
Zardap shekkender joq. It tiri jáne ıesiniń áıeline qaıtaryldy.
Vıdeodan alynǵan kadr