Tarazda patrıottyq forým ótti

TARAZ. QazAqparat - Búgin Taraz qalasyndaǵy «Taraz-Arena» sport saraıynda Qazaqstan Respýblıkasy Táýelsizdiginiń 25 jyldyǵy aıasynda «Bolashaǵymyz - birlikte! Vmeste - sılnee!» oblystyq patrıottyq forýmy ótti, dep habarlaıdy «QazAqparat» HAA tilshisi Jambyl oblysy ákimdiginiń baspasóz qyzmetine silteme jasap.

Іs-sharaǵa oblystyń myńdaǵan turǵyndary - oblystyq jáne qalalyq ákimdiktiń, etnomádenı birlestikterdiń, shyǵarmashylyq zııaly qaýym men saıası partııalardyń ókilderi, ardagerler, jastar qatysty.

«Qazaqstan Táýelsizdiginiń 25 jyldyq mereıtoıy, bul elimizdiń mańyzdy jetistikteriniń biri. Maqtanýǵa turarlyq erkindigimiz, - dedi forýmdy ashqan Jambyl oblysynyń ákimi Kárim Kókirekbaev. - Qazaqstan birligi men jasampazdyǵynyń 25 jyly ishinde 2030 strategııasyn ýaqytynan buryn iske asyryp, «Bes ınstıtýtsıonaldyq reformany júzege asyrýdaǵy 100 naqty qadam» Ult josparyna kiristi. Respýblıka boıynsha bizdiń óńir ónerkásip jáne aýyl sharýashylyǵy salalary óndirisiniń kórsetkishteri  boıynsha kósh bastaýshylardyń qatarynda», - dedi ol.

Táýelsizdik jyldaryndaǵy jetistikter týraly «Kazfosfat» JShS bas dırektory Muqash Iskandırov, Rıo-de-Janeırodaǵy Olımpıada oıyndarynyń kúmis júldegeri Eldos Smetov, «Dnipro» ýkraın mádenı ortalyǵynyń tóraǵasy Fedor Klımenko, TarMÝ men TarMPI stýdentteri baıandady.

«Taraz-Arena» sport saraıynda patrıottyq ánder shyrqalyp, folklorlyq-etnografııalyq ansamblder men kásibı sporshylar óner kórsetti.