Tarazda páterdegi órtten kúıip qalǵan erli-zaıyptylar aýrýhanaǵa jetkizildi

TARAZ. QazAqparat - Jambyl oblysynda órt sóndirýshiler 5 adamdy tilsiz jaýdan qutqardy, dep habarlaıdy QazAqparat TJM baspasóz qyzmetine silteme jasap.

Búgin, 4 aqpan saǵat 10:10-da Jambyl oblysy TJD kúsh-quraldaryn jedel basqarý ortalyǵyna habar túsken.

Onda bes qabatty turǵyn úıdiń 4-qabatyndaǵy páterden órt shyqqany aıtylǵan.

Órt saǵat 10:34-te sóndirildi.

Órt sóndirýshilerdiń kúshimen 5 adam qutqaryldy, onyń ishinde 3 bala bar.

20 adam, ishinde 8 bala evakýatsııalandy.

1981 jylǵy páter ıesi men onyń 1987 jylǵy jubaıy kúıikpen aýrýhanaǵa jatqyzyldy.

Foto: t.me/qr_tjm