Tarazda ótken forýmda áıelder kásipkerligi sóz boldy
TARAZ. QazAqparat - Tarazda halyqaralyq áıelder forýmy ótti, dep habrlaıdy QazAqparat.
Jıynda «Kásipker áıelderdiń múmkindigi. Bolashaqqa kózqaras» taqyrybynda ótken sheberlik synyby men talqylaý barysynda Jambyl oblystyq kásipkerler palatasynyń isker áıelder keńesiniń ókilderi sóz aldy.
Forýmǵa Qazaqstan men Qyrǵyzstannyń kásipker áıelderi qatysyp, kásipkerlik salasyn odan ári jetildirý men osy saladaǵy naqty jobalardy júzege asyrý máselelerin talqyǵa saldy.
Jambyl oblysy ákiminiń orynbasary Tımýr Jáńke óziniń kirispe sózinde áıel azamattardyń kásipkerlik salasyndaǵy úlesiniń kóptigin, olar tarapynan qoǵamdy jetildirýge baǵyttalǵan kóptegen bastamalardyń jolǵa qoılyyp jatqandyǵyn atap ótti.
«Memleket kásipkerlik salasyna barynsha qoldaý kórsetip otyr. Biz Sizderdi tolǵandyrǵan máseleler týraly saýaldardyń barlyǵyn tyńdap, jaýap berýge jáne qandaı da bir máseleler men usynystar boıynsha tıimdi sheshim qabyldaýǵa daıynbyz»,-dedi ol.
Osy oraıda forýmǵa qatysýshylar tarapynan áıelder kásipkerligin damytý baǵytynda birneshe usynys kelip tústi. Osylaısha, isker áıelder keńesi áıelderdiń ındýstrıaldy aımaǵyn ashýdy usyndy.
«Biz ásker áıelderge ónerkásip alańdaryn bólýge, jalpy osy baǵytaǵy jumysty qoldaýǵa daıynbyz. Áıel azamattar aldymen munda jalǵa alý qunyn jeńildikpen tólegen bolatyn. Óz kezeginde atalmysh shara olardyń qolǵa alǵan isterin jolǵa qoıýǵa mol múmkindik berdi»,-dedi.
Jambyl oblystyq kásipkerler palatasynyń jetekshisi Marıpbek Shákerbek áıelder úshin, sonyń ishinde kásipkerlikpen aınalysýǵa bel býǵan aýyldaǵy áıelder úshin jasalǵan múmkindikter týraly aıtty. Olar «Bastaý bıznes» jobasy aıasynda tegin bilim, jeńildikpen nesıe alyp, óz isin, bastap, aıaǵynan turyp ketýge mol múmkindik alatyndyǵyn atap ótti.
«Buǵan mysaly óz betimen perzent asyrap otyrǵan áıel týraly aıtýǵa bolady. Ol arnaıy bilim, memleketten 500 myń teńge nesıe aldy. Óz isin bastaǵan soń nesıesin jaýyp tastady. Esesine qazir onyń turaqty kiris ákelip otyrǵan bıznesi bar»,-dedi M.Shákerbek.
Ózderiniń sátimen júzege asyrylyp jatqan bıznesteri týraly tájirıbelerimen Gúldara Nurymova, Aınur Záýirbekova, Juldyz Muhtarhanqyzy sııaqty qyrǵyzstandyq jáne Jambyl oblysynyń isker áıelderi bólisti.
Forým esetlik syılyqtar tabystap, sharanyń eń belsendi azamattaryn marapattaýmen aıaqtaldy.
