Tarazda ótken Azııa kýbogynda Qazaqstan karateshileri top jardy
TARAZ. QazAqparat – Tarazda ótken kıokýshınkaı-kan karateden Azııa kýbogynda Qazaqstan sportshylary top jardy, - dep habarlaıdy QazAqparat.
«Taraz-Arena» sport saraıynda ótken qurlyqtyq dodada qarsylastaryna des bermegen otandastarymyz jeńis tuǵyranan kórine bildi. Baıraqty básekeniń ashylý saltanatyna oblys ákimi Asqar Myrzahmetov qatysyp, shyǵys jekpe-jeginiń sheberlerine sáttilik tiledi.
Jarysqa jeti elden kelgen 300-den astam sportshy qyryq bir salmaq dárejesi boıynsha synǵa tústi. Eki kún boıy tartysqa túsken karateshiler shyn myqtyny anyqtady. Nátıjesinde Qazaqstan 27 altyn medalǵa ıe bolyp, jalpy komandalyq esepte birinshi orynǵa shyqty. Al, Alataý asyp kelgen qyrǵyz aǵaıyndar ekinshi oryndy ıelendi. Úzdik úshtikti Ózbekstandyq qurama túıindedi.
Aıta keteıik, Azııa ashyq birinshiligi eki jylda bir ret ótkiziledi. Bul álem chempıonattaryna arnalǵan qurlyqtyq irikteý týrnıri. Bul jolǵy básekege Qazaqstan quramasynyń birinshi jáne ekinshi quramy qatyspady. Sebebi, olar jeltoqsan aıynda Nur Sultanda ótetin Álem kýbogyna daıyndalýda.
