Tarazda otqa oranǵan qonaq úıden 5 adam qutqaryldy, zardap shekkender bar
ASTANA. 3 qańtar. QazAqparat - Taraz qalasynda Aqbulaq shaǵynaýdanynda ornalasqan «Aq-bulaq» jekemenshik qonaq úıinde keshe, tańerteńgi saǵat 9 shamasynda órt bastaldy.
QR TJM-niń baspasóz qyzmetinen habarlanǵandaı, órt Jambyl oblysy boıynsha TJD órtke qarsy qyzmetiniń (22 adam men 4 tehnıka) kúshimen 09.38-de tolyǵymen sóndirildi. 5 adam qutqaryldy, 13-i qaýipsiz aýmaqqa kóshirildi. Órt saldarynan qonaq úıdiń 62 jastaǵy kelýshisi kómirqyshqyl gazyna ýlanyp, aýrýhanaǵa jetkizildi.
