Tarazda ot qushaǵynan 3 adam qutqarylyp, 12-si qaýipsiz jerge kóshirildi, zardap shekkender bar - TJM
STANA. Tamyzdyń 17-si. QazAqparat - Taraz qalasynda turǵyn úıden shyqqan órtte 3 adam qutqarylyp, 12-si qaýipsiz jerge kóshirildi, zardap shekkender bar.
Qazaqstannyń Tótenshe jaǵdaılar mınıstrliginen málim etkendeı, tamyzdyń 16-sy kúni tańerteń, Dúrimbetov, 32 meken-jaıynda ornalasqan eki qabatty úıdiń páterleriniń birinen órt shyǵyp, ol 60 sharshy metr aýmaqqa jaıylǵan.
Qutqarýshylar tilsiz jaýdy aýyzdyqtaý barysynda úsh adamdy jalyn qushaǵynan aman alyp shyǵyp, on ekisin qaýipsiz aýmaqqa aýystyrdy. Sondaı-aq kómirqyshqyl gazyna ýlanǵan 19 jastaǵy azamat pen 13-tegi jetkinshek aýrýhanaǵa jetkizildi.
Ot Jambyl oblysy boıynsha TJD órtke qarsy qyzmetiniń 10 adamy men 2 tehnıkasynyń kúshimen eki saǵattan keıin sóndirildi.
