Tarazda «Ortalyq bazar» aýmaǵynda órt boldy
TARAZ. QazAqparat – Taraz qalasyndaǵy «Ortalyq bazar» órtendi ,dep habarlaıdy QazAqparat tilshisi.
Taraz qalasy, Asqarov kóshesindegi «Ortalyq bazar» aýmaǵynda órt oqıǵasy oryn aldy.
Bazardaǵy «Báıterek» úsh qabatty saýda korpýsynyń eki qabaty órtke oranǵan. Ǵımarattyń birinshi qabatynda dúken ornalassa, 2-qabaty bos bolǵan. Jalyn barlyǵy 160 sharshy metr aýmaqty sharpyǵan.
«Oqıǵa ornynda jedel shtab uıymdastyryldy. Órt sóndirýshiler oqıǵa ornyna 8 mıntýta jetken. Shuǵyl árekettiń nátıjesinde órt oqshaýlanyp, tolyǵymen sóndirildi. Tilsiz jaýdy aýyzdyqtaýǵa órt sóndirý qyzmetinen 43 adam men11 tehnıka jumyldyryldy. Zardap shekkender men adam shyǵyny joq»,-delingen oblystyq TJD-niń baspasóz qyzmetiniń habarlamasynda.
