Tarazda orta jastaǵy áıelden 42 keli esirtki tárkilendi
TARAZ. KAZINFORM - Jambyl oblysynyń polıtsııasy Taraz qalasynyń aýmaǵynda esirtki zattaryn ótkizetin arnany joıdy.
Oblystyq polıtsııa departamenti baspasóz qyzmetiniń habarlaýynsha, tyıym salynǵan zattardyń asa iri kólemi 58 jastaǵy áıelden tárkilengen.
Onyń turǵylyqty jerin tintý kezinde jýynatyn bólme men jatyn bólmeden, jertóleden, sondaı-aq kóliginen barlyǵy 19 keli 335 gr gashısh jáne 22 keli keptirilgen marıhýana tárkilengen.
"Kúdikti óz kinásin tolyq moıyndady. Qazirgi ýaqytta sotqa deıingi tergeý amaldary júrgizilýde. Áıel esirtkini týǵan aýyly - Merki aýdanynan ákelgen. Ol ózimen birge turatyn týystaryn da esirtkige táýeldi etkisi kelgenin moıyndady", - dedi Jambyl oblysy PD esirtki qylmysyna qarsy is-qımyl basqarmasynyń bastyǵy Álim Bajyqbaev.
Buǵan deıin Jambyl oblysynyń esirtki qylmysyna qarsy bólimshe bastyqtary qamaýǵa alynǵanyn habarlaǵan bolatynbyz.