Tarazda órt shyqqan úıden 38 adam evakýatsııalandy
ASTANA. QazAqparat - Tarazda órt saldarynan toǵyz qabatty úıdiń turǵyndary evakýatsııalandy, dep habarlaıdy QazAqparat QR ІІM Tótenshe jaǵdaılar komıtetiniń baspasóz qyzmetine silteme jasap.
Órt juma, 11 mamyr kúni saǵat 07.29-da shyqqan.
«Órt tórtinshi qabatta 5 sharshy metr aýmaqta qosalqy bólmeden shyqqan. Qutqarýshylar 3 adamdy qutqaryp, 38 adamdy, sonyń ishinde 12 balany evakýatsııalady», - delingen vedomstvonyń habarlamasynda.
Tilsiz jaý 07.42-de aýyzdyqtalyp, 07.45-te tolyǵymen sóndirildi.
Órttiń aldyn ala shyǵý sebebi - elektr symdarynyń qysqa tuıyqtalýy.
Jalyndy aýyzdyqtaýǵa Jambyl oblystyq órt sóndirý qyzmetiniń 11 qyzmetkeri tartyldy. 4 arnaıy órt sóndirý tehnıkasy qoldanyldy.
