Tarazda Murathan Toqmádıdi Erjan Tátishovti óltirgeni úshin sottamaq
TARAZ. QazAqparat - Jambyl oblystyq qylmystyq ister boıynsha mamandandyrylǵan aýdanaralyq soty qaıta ashylǵan jaǵdaılarǵa baılanysty kásipker Murathan Toqmádıdiń isin qaraıdy, dep habarlaıdy «QazAqparat» HAA tilshisi.
Eske salaıyq, «Depýtattyq korpýs» qylmystyq tobynyń jetekshisi M.Toqmádı 2017 jyldyń qazanynda Almaty qalasy Almaly aýdandyq sotynyń úkimimen bopsalaýshylyq jasaǵany úshin jáne zańsyz qarý-jaraq alǵany úshin sottaǵan edi. Sot ony úsh jylǵa bas bostandyǵynan aıyrǵan bolatyn.
Belgili bolǵandaı, 2017 jyldyń qazanynda shyqqan suhbatynda sottalýshy M.Toqmádı bankır Erjan Tátishevti 2014 jyldyń 19 jeltoqsanynda Jambyl oblysy Qordaı aýdany Otar stansasy mańynda ańshylyqqa shyqqan kezde óltirgenin moıyndaǵan.
Jambyl oblystyq qylmystyq ister boıynsha mamandandyrylǵan aýdanaralyq soty habarlaǵandaı, bul is 5 aqpanda óndiriske túsken.
Іs materıaly boıynsha, Murathan Toqmádı «Turan Álem Banki» AQ -nyń burynǵy basqarma tóraǵasy Erjan Tátishevti óltirdi dep aıyptalýda. Qylmystyq isti sýdıa Azamat Tilepov qaraıdy. Onyń qashan qaralatyny ázirge belgisiz, dep málim etti sottyń baspasóz qyzmeti.
