Tarazda múmkindigi shekteýli jandar arasynda spartakıada ótti
TARAZ. QazAqparat – Tarazda «Múmkindigi shekteýli azamattar kúnine» oraı dene múmkindigi shekteýli turǵyndar arasynda spartakıada ótti,- dep habarlaıdy QazAqparat tilshisi.
Jambyl oblysy ákimdiginiń dene shynyqtyrý jáne sport basqarmasy uıymdastyrǵan shara Taraz qalasynyń Ortalyq stadıonynda ótti. Onda qatysýshylar 4 sport túrinen synǵa tústi. Atap aıtsaq múmkindigi shekteýli jandar doıby, darts, qol kúresi jáne jeńil atletıkadan eń myqtyny anyqtady.
Atalmysh spartakıadaǵa 200-den astam adam qatysty. Tartysty ótken jarys nátıjesinde jeńimpazdar men júldegerler dıplomdar men medaldarmen marapattaldy. Sondaı-aq, arnaıy syılyqtarǵa ıe boldy.
