Tarazda mobıldi top bir táýlikte 4 merekelik shara uıymdastyrǵandardy anyqtady
TARAZ. QazAqparat – Tarazda mobıldi top bir táýlikte tórt otbasylyq is-sharany anyqtady, - dep habarlaıdy QazAqparat tilshisi.
Ótken táýlikte karantın rejımi men sanıtarlyq normalardyń saqtalýyn baqylaıtyn mobıldi top Tarazda tórt otbasylyq is-sharany anyqtady. Ondaǵy qonaqtardyń jalpy sany 300-den asqan. Shaqyrylǵandardyń jasy 5-ten 73 jasqa deıingi aralyqta.
Qonaqtarǵa túsindirý jumystary júrgizilip, sharalardy uıymdastyrýshylarǵa hattamalar toltyryldy.
«Karantın talaptaryn elegisi kelmeıtinder áli az emes. Olardyń biri betperde taqpaı júrse, endigileri áleýmettik araqashyqtyqty saqtaýdan bas tartady. Kópshilik sharalardan qalmaı, sol arqyly ózderiniń de jaqyndarynyń da ómiri men densaýlyǵyna qaýip tóndiretinder de jeterlik. Mobıldi toptyń reıdteri jalǵasýda»,-deıdi PD JPQB bastyǵynyń orynbasary Manas Ábdikárimov.
Jalpy, 5 shilde men 20 jeltoqsan aralyǵynda aımaqta júrgizilgen reıd sharalary barysynda 881 zańbuzýshylyq anyqtalǵan. QR ÁQBtK – niń 425-baby boıynsha jalpy somasy 71 333 484 teńge bolatyn 564 aıyppul salynǵan.
