Tarazda meıramhanaǵa jaqyn mańnan er adamnyń máıiti tabyldy
TARAZ. QazAqparat – Tarazda meıramhana mańynan er adamnyń máıiti tabyldy, dep habarlaıdy QazAqparat Polisia.kz-ke silteme jasap.
30 tamyzda saǵat 05:15-te Aqbulaq shaǵyn aýdanynyń turǵyndarynyń biri meıramhanaǵa jaqyn mańnan 27 jastaǵy er adamnyń máıitin taýyp, bul týraly polıtsııaǵa habarlaǵan.
Atalǵan fakti boıynsha tergeý-jedel toby jiberildi. Aýyr qylmystyń sebebin tergeýshiler anyqtap jatyr. Qazirgi tańda QR QK 99-baby 1-bóligi «Adam óltirý» boıynsha sotqa deıingi tergeý jumystary bastaldy.
Polıtsııa qyzmetkerleri osy qylmysty jasaǵan 33 jastaǵy Taraz qalasynyń turǵynyn anyqtady. Qazirgi ýaqytta kúdiktini ustaý sharalary qarastyrylyp jatyr. Qajetti sot saraptamasy taǵaıyndaldy. Bul fakti Jambyl oblystyq polıtsııa departamenti basshylyǵynyń baqylaýynda.
