Tarazda meıramhana janynda adam óltirgen kúdikti ustaldy
TARAZ. QazAqparat – Jambyl oblysynda meıramhana janynan tabylǵan er adamdy óltirgen kúdikti ustaldy, dep habarlaıdy QazAqparat Polisia.kz saıtyna silteme jasap.
«Polıtsııa qyzmetkerleri 2 qyrkúıek kúni kisi óltirýde kúdikti bolyp tabylatyn 33 jastaǵy er adamdy ustady. Eske salsaq, 30 tamyz kúni Aqbulaq shaǵynaýdanynda, meıramhanaǵa jaqyn mańnan 27 jastaǵy er adamnyń máıiti tabylǵan bolatyn. Atalǵan fakti boıynsha QR Qylmystyq kodeksiniń 99-baby 1-bóligi boıynsha sotqa deıingi tergeý bastaldy. Kúdikti aldyn ala tergeý barysynda qaza bolǵan adammen aradaǵy kıkiljińge ózara sózge kelispeýshilik sebep bolǵanyn aıtty. Kúdikti qylmysyn moıyndady. Qazirgi ýaqytta ol Taraz qalasynyń ýaqytsha ustaý abaqtysyna qamaldy», - dep málim etti Jambyl oblystyq Polıtsııa departamenti bastyǵynyń orynbasary Nurjan Qalmetov.
Taraz polıtsııasy kúdiktini ustaý jumystaryn júrgizip jatqanyn buǵan deıin habarlaǵan bolatynbyz.
