Tarazda mereke qarsańynda 90 páterdiń kilti tabystaldy
Eki úı de «Nurly jer» memlekettik baǵdarlamasy boıynsha salynǵan.
«Kez kelgen adam úshin óz baspanasynyń bolýy bárinen mańyzdy. Sondyqtan, memlekettiń basym baǵyttarynyń biri – baspana máselesin sheshý. Osy oraıda túrli memlekettik baǵdarlamalar qabyldanyp, ıpotekalyq nesıeleý sharttary jeńildetilýde. Biz páter kezeginde turǵandardyń sanyn azaıtý maqsatynda turǵyn úı qurylysynyń kólemin ulǵaıtýdamyz. Máselen, bir ǵana Taraz qalasynda 30 myńnan astam adam kezekte tur. Barshańyzǵa zor densaýlyq tileımin, jańa páterlerińizden árdaıym balalardyń kúlkisi úzilmesin», - dedi aımaq basshysy qonys toı ıelerine.
Bul kúni 90 adamǵa jańa páter kiltteri tabystaldy. Olardyń qatarynda balalar úıiniń túlekteri, múgedektigi bar adamdar, tolyq emes otbasylar, bıýdjettik uıymdardyń qyzmetkerleri jáne memlekettik qyzmetshiler bar.
Berdibek Saparbaevtyń qolynan alǵashqy bolyp kilt alǵan jas otbasy Asylhan Orman men Aıdana Shymyrbaeva ózderiniń tebirenisti áserlerimen bólisti. Olar qazirgi tańda bir ul, bir qyz tárbıelep otyr.
«Buǵan deıin biz jaldamaly páterlerde ómir súrip keldik. Endi otbasymyz úshin ómirdiń jańa kezeńi bastaldy, bizdiń óz úıimiz bar»! - dedi Aıdana Shymyrbaeva qýanyshyn jasyra almaı.
Jalǵyzbasty ana, 11 jáne 9 jastaǵy eki balasyn álpeshtep otyrǵan Indıra Ábisheva da bul kúndi uzaq kútkenin aıtady. Al, Perızat Sádermekova jyl saıyn óz baspanasy bar jas otbasylardyń sany arta beretinine senedi. Bul jalpy eldegi demografııalyq jaǵdaıǵa oń áser etetini sózsiz.
