Tarazda mektep dárethanasynda jasóspirim qyzdy zorlaý oqıǵasyna qatysty sot bastaldy
TARAZ. QazAqparat – Tarazdaǵy Jambyl oblysy qylmystyq ister boıynsha mamandandyrylǵan aýdanaralyq sotta mektepte bolǵan shýly oqıǵaǵa qatysty sot otyrysy bastaldy, dep habarlaıdy QazAqparat tilshisi.
Eske sala ketsek, byltyr 15 qarasha kúni Taraz qalasynyń 102 pýltine jedel járdem qyzmetinen jasóspirim qyzdyń zorlanǵany týraly habarlama túsedi. Sotqa deıingi tergeý QR QK 120-babynyń 4-bóligi jáne 121-babynyń 4-bóligi boıynsha júrgizildi. Kóp uzamaı aýyr qylmys jasady degen kúdikpen er adam ustaldy.
Qaıǵyly oqıǵa mekteptiń dárethanasynda bolǵan. Zorlyq jasaǵan kúdiktini ustaýǵa mekteptiń aýmaǵynda ornalasqan kameralar kómektesken.
Sottalýshy – 38 jastaǵy oblys ortalyǵynyń turǵyny. Úılenbegen, buǵan deıin osy tektes qylmys jasaǵany úshin sotty bolǵan. Ol qylmysty jasaǵanyn tolyq moıyndady. Oǵan 20 jylǵa deıin nemese ómir boıy bas bostandyǵynan aıyrý jazasy kesilýi múmkin.
Sot japa shegýshiniń jas ereksheligin eskere otyryp jabyq rejimde ótetin boldy.
