Tarazda mekemeniń burynǵy dırektory tárkilenýi tıis 110,2 mln teńgeniń múlkin jasyryp qalǵan
TARAZ. KAZINFORM - Jambyl oblysynda mekemeniń burynǵy dırektory tárkilenýge jatatyn 110,2 mln teńge kólemindegi múlikti jasyrǵany úshin sottaldy, dep habarlaıdy óńirlik prokýratýranyń baspasóz qyzmeti.
Baspasóz qyzmetiniń málimetterine qaraǵanda, Taraz qalasynyń prokýratýrasy taldaý júrgizý barysynda memleket paıdasyna tárkilengen jalpy somasy 110,2 mln teńgeniń múlkin jasyrý faktisin anyqtady.
Buǵan deıin Taraz qalasynyń mamandandyrylǵan ákimshilik sotynyń qaýlysymen «ASCO Pro» JShS-nen 110,2 mln teńge somasyndaǵy alkogoldik ónimderdi tárkilengen.
Alaıda mekemeniń burynǵy basshysy tárkilengen taýarlardy jasyrǵan.
Osy fakti boıynsha Taraz qalasynyń prokýratýrasy QK-tiń 425-baby (tizimdeme jasalǵan nemese tyıym salynǵan ne tárkileýge jatatyn múlikke qatysty zańsyz áreketter) boıynsha qylmystyq isti tirkedi.
Taraz qalalyq № 2 sotynyń 2024 jylǵy 7-shi naýryzdaǵy úkimimen «ASCO Pro» JShS-nyń burynǵy basshysy QK-tiń 425-babynyń 2-bóligi boıynsha kináli dep tanylyp, 4 jyl merzimge kez kelgen menshik nysanyndaǵy uıymdarda basshylyq qyzmetterdi atqarý quqyǵynan aıyrylyp, 1 jyl 3 aıǵa bas bostandyǵynan aıyryldy.
Sondaı-aq sottalǵan adamnan memleket paıdasyna 110,2 mln teńge kóleminde materıaldyq shyǵyn óndirildi.
Úkim zańdy kúshine engen joq.
