Tarazda maska kıgen eki jigit dárihanashyǵa tapansha kezenip, kassadaǵy aqshany alyp ketken
NUR-SULTAN. QazAqparat - Tarazda tapanshamen qarýlanǵan eki jigit dárihanaǵa basyp kirip, tonap ketken, dep habarlaıdy QazAqparat.
25 naýryz saǵat 22.30 shamasynda Taraz qalasyndaǵy móltekaýdandardyń birinde ornalasqan dárihanaǵa 20-25 jastaǵy medıtsınalyq betperde kıgen eki belgisiz adam basyp kirgen.
Olar tapanshaǵa uqsas zatpen farmatsevterdi qorqytyp, olardyń aldyndaǵy shyny vıtrınany syndyryp, 37 000 teńge kólemindegi aqsha qarajatyn ıemdenip ketken.
Sodan soń oqıǵa ornynan belgisiz baǵytta boı tasalaǵan.
Atalǵan derek boıynsha QR QK 192-baby 3-bóligi 4-tarmaǵymen (bir top adamdardyń aldyn ala sóz baılasyp, qarýdy nemese qarý retinde paıdalanylatyn zattardy qoldanyp, óndiristik úı-jaıǵa zańsyz kirýmen jasalǵan qaraqshylyq) sotqa deıingi tergeý amaldary bastaldy.
Polıtsııanyń barlyq jeke quramy kúdiktilerdi izdestirýge jáne ustaýǵa baǵyttaldy, polıtsııa bólimderine atalǵan adamdardyń belgileri bar baǵdarlar jiberildi.
Jedel-izdestirý sharalary júrip jatyr.
